ბათუმის ბოტანიკური ბაღი
სადაც მთები ზღვის ნაპირს უერთდება, ცნობილი გვირაბის თავზე მახინჯაურთან ახლოს, ზღვიდან სახალვაშოს სადამკვირვებლო პლატფორმამდე, ბათუმის ბოტანიკური ბაღი იშლება. იქ ყველა კონტინენტისთვის ცალკე სექციაა განკუთვნილი. ბაღში სასიამოვნოა სეირნობა და ის მშვენიერ ადგილსამყოფელს წარმოადგენს, როგორც ადგილობრივი ასევე გადამფრენი ფრინველებისთვისაც. ბოტანიკური ბაღი ბათუმის მიდამოებში საუკეთესო ადგილია შავთავა ცოციასთვის. დახედეთ ფიჭვის ხეებს ბაღის შესასვლელისკენ მიმავალი გზის გასწვრივ და მოუსმინეთ ხმებს. აქ შეიძლება მწვანე და კავკასიური ყარანა აღმოაჩინოთ.
ფრინველებზე დაკვირვების შემდეგ, შეგიძლიათ ჩამოჯდეთ ერთ-ერთ ზღვისპირა კაფეში და მიირთვათ ახალი ლუდი. ამ ტერიტორიაზე ყველაზე სუფთა და ბუნებრივი პლაჟი მდებარეობს ; დასვენებისთვის ძალზედ სასიამოვნო ადგილი. უფრო მეტიც, წვიმიან დღეებში, ზღვისპირა კაფეების ხედები, მახინჯაურის რკინიგზის სადგურის ჩრდილოეთით მდებარე ერთ-ერთი რესტორნის მსგავსად, სასიამოვნო და ღირებულ სანახაობას შემოგთავაზებთ.
